ЕУРАЗИЯЛЫҚ МАСШТАБТАҒЫ АҚЫН

05.12.2019

5 желтоқсанда Павлодар мемлекеттік педагогикалық университетінде еуразиялық ақын Павел Васильевтің 110 жылдығына арналған «Әлемдік мәдениеттегі еуразияшылдық идеясы» атты халықаралық ғылыми-практикалық конференция өтті. Шараны Павел Васильевтің мұражайы үйі мен Павлодар мемлекеттік педагогикалық университеті бірлесіп ұйымдастырды. Конференцияға Павлодар, Нұр-Сұлтан, Өскемен, Мәскеу, Омск, Владивосток, Норильск қалаларынан ғалымдар қоғам қайраткерлері мен ақындарының, әдебиеттанушыларының басын қосты. Құрметті қонақтардың қатарында Павел Васильевтің әдеби мұра жөніндегі комиссияның хатшысы, Елена Вялованың жиені Светлана Гронская, Мәскеу қаалсындағы В.И. Даль атындағы орыс әдебиеті тарихы мемлекеттік музейінің жетекші ғылыми қызметкері Далия Галина Великовская, филология ғылымдарының докторы, профессор Владимир Хомяков, Омбыдағы Павел Васильев кітапханасының меңгерушісі Надежда Бронш бар. Павлодар мемлекеттік педагогикалық университетінің ректоры, профессор Алтынбек Нухұлы конференцияға қатысушыларды құттықтап, бұл кездесу университеттер арасындағы трансшекаралық ынтымақтастыққа, тәжірибе алмасуға және ғылыми жаңалықтардың ашылуына ықпал ететіндігін атап өтті. Павел Васильевтің шығармашлығына арқау болған еуразияшылдық идеясының бүгінде өзктілігі артып отыр. Халықтардың бірлігі, ұлтаралық келісім және мәдениеттердің өзара әрекеті көпұлтты Қазақстан үшін де, Ресей үшін де маңызды. Айта кету керек, Павлодар мемелкеттік педагогикалық университеті «Ертіс-Баян өңрінің 100 тарихи тұлғалары» сериялы фильмдер жобасын жүзеге асыруда, оның кейіпкерлерінің бірі ақын Павел Васильев. Қонақтарға ақын жерлесіміз туралы фильм ұсынылды. Конференция аясында «Павел Васильев поэзиясындағы еуразияшылдық концерциясы» ұжымдық монографиясының тұсаукесері өтті. Ресей Бас консулдығының Өскемендегі вице-консулы Николай Тищенконың айтуынша, желтоқсан айында Нұр-Сұлтан және Павлодар қалаларында еуразиялық ақын Павел Васильевтің 110 жылдығына арналған кең көлемді мерейтойлық шаралар өтеді. Мәселен, 4 желтоқсанда Нұр-Сұлтандағы Ресей ғылымы мен мәдениеті орталығында әйгілі павлодарлық графика суретшісі, Қазақстан Республикасының еңбек сіңірген қайраткері, «К поэзии Павла Васильева» атты көп сериялы офорттардың авторы Виктор Поликарповтың «Родительница степь» атты П.Васильев шығармашылығына жасалған иллюстрациялар көрмесі өтті. 6 желтоқсан күні Павлодар қаалсындағы Павел Васильев алаңында П.Васильевтің бюстіне гүл шоқтары қойылып, «Достық» үйінде Мәскеу жаңа драма театрының актрисасы Наталья Маевамен шығармашылық кездесу өтеді. Актриса П.Васильев пен орыс поэзиясының «Күміс ғасыр» ақындарының шығармаларын орындайды.