ҮШ СПОРТШЫ ҚАЗАҚСТАН ЧЕМПИОНАТЫНЫҢ ЖҮЛДЕГЕРЛЕРІ БОЛДЫ

29.05.2023

Ә.Марғұлан атындағы Павлодар педагогикалық университетінің студенттері қазақ күресі бойынша Қазақстан чемпионатынан жүлдемен оралды.

Өнер және спорт жоғары мектебінің студенттері Алдияр Айтмұхамбет 82 келі салмақта белдесіп, чемпион атанды. Әсел Манар 70 келідебелдесіп, күміс медальға ие болды. Ал 65 келіде күрескен Мөлдір Әдепбай үшінші орынды еншіледі. Жаттықтырушылары – Қайрат Темірболатов.

- Барлығы алты айналым болды. Алдияр Айтмұхамбет барлық қарсыластарынан басым түсіп, Қазақстан чемпионы болды. Ол қазақ күресінен және белбеу күресінен спорт шебері. Ал Әсел мен Мөлдір қазақ күрес бойынша спорт шебері,- дейді Қайрат Баязитұлы.

Айта кету керек, Алдияр Айтмұхамбет белбеу күресі бойынша ұлттық құрама қатарында ел намысын қорғап жүр. Жақында белбеу күресінен Тәжікстан республикасында өтетін және Астанада қаласында өтетін әлем біріншіліктеріне қатысады.