«PPU MEDIA» ЖАС ТІЛШІЛЕРІ «ERTIS MEDIA» РЕДАКЦИЯЛАРЫН АРАЛАДЫ

08.11.2023

"Ertis Media" журналистері Марғұлан университетінің «PPU Media» студенттік ұйымына экскурсия ұйымдастырды. Болашақта қаламды қару етіп, журналист болуды армандап жүрген жастар үшін пайдалы әрі қызықты кездесулер болды.

Жас тілшілер облыстақ "Сарыарқа самалы" газетінің редакциясын тамашалап, газеттің ішкі өмірімен танысты. Бас редактор Нұрбол Жайықбаев пен редактордың орынбасары Құндыз Қабылденова студенттерге газеттің өзге бұқаралық ақпарат құралынан ерекшелігі, қызығы мен қиындығы жайлы әңгімелеп берді. Сондай-ақ, «Жас Times» атты жастар қосымшасымен таныстырып, бұл болашақта журналсит болғысы келетін жалынды жастардың шығармашылығын шыңдауға үлкен көмек болатынын атап өтті.

«PPU Media» студенттік ұйымының жастары көпшілікке әуе толқыны арқылы жақсы таныс "Халық" радиосының студиясына да кірді. Радио басшысы Асыл Әбіш бастаған журналистер ұжымы жастарды жылы шыраймен қарсы алып, радио хабарларын тарату жұмыстарын көрсетті.

Ақпарат таратудың хас шеберлері "Pavlodarnews.kz" АА-істейді екен. Бас редакторы Ольга Бугаева, редактордың орынбасары Роза Мұстафина, жас репортер Мақсат Көлтай және басқа да тілшілер студенттерді ақпарат агенттігінің қызметімен таныстырып, тәжірибелерімен бөлісті.
Облыстық «Звезда Прииртышья» газетінің ұжымы кезекті нөмірді дайындау мен шығарудың барлық процесін көрсетті. Олар жас тілшілерге газетте жұмыс істеудің ерекшеліктерін айтты.

"Ertis Media" ұжымының журналистері студенттерге келгендері үшін алғыстарын білдіріп, олармен кәсіби тәжірибелері мен білімдерін бөлісуге әрқашан дайын екендіктерін жеткізді. Сондай-ақ, қолынан мақала жазу келетін жастар үшін үшін "Ertis Media"-ның есігі әрқашан ашық екенін де жеткізді!