ЕРМЕК ӨТЕБАЙҰЛЫНЫҢ АТЫНДАҒЫ ГРАНТ БЕРІЛДІ

08.11.2023

Оқу ордамыздың 60 жылдық мерейтойына қазақ тілі мен әдебиеті білім беру бағдарламасының ұлағатты ұстазы, әдебиетші ғалым, қазақ тілі мен әдебиеті кафедрасының негізін қалаған Өтебаев Ермек Өтебайұлына арнап кітап шығарған болатын. Мерейтойға қатысып, Ермек Өтебайұлына көрсетілген құрметке риза болған ұрпақтары өз атынан Марғұлан университетінің студентіне грант табыстаймыз деп шешті. Жақында грантты салтанатты табыстау рәсімі өтті. Ермек Өтебайұлының жиені Зайда Қайсарқызы Атырау қаласынан Ертіс-Баян өңіріндегі ұстаздар ордасына грантты табыстау үшін арнайы келді.  Университетінің ұжымы да алыстан келген қонақтарын құшақ жая қарсы алып, шағын концерттік бағдарламамен шара ұйымдастырып, оқу ордамызға экскурсия жасатты. Атаулы білім беру грантын қазақ тілі мен әдебиеті БББ 1-курс студенті Сыздықов Алтынбек иеленді. Алтынбек грант табыстаушы Зайда Қайсарқызына алғысын білдіріп, Ермек Өтебайұлының атын өшірмей, ғұлама ғалым  аянбай қызмет еткен төл мамандығы әдебиет пен тіл саласында тынбай еңбек ететініне сөз берді.