ӨНЕР ЖӘНЕ СПОРТ МЕКТЕБІНДЕ «СТУДЕНТ ҚАТАРЫНА ҚАБЫЛДАУ» МЕРЕКЕСІ ӨТТІ

20.10.2022

Өнер және спорт жоғары мектебінде «Студент қатарына қабылдау» мерекесі өтті. Іс-шараға жоғары мектеп деканы, оқытушылар, бірінші курс студенттері мен жоғары курс студенттері қатысты.
Мереке жаңадан келген студенттердің ойдағыдай бейімделуіне жағдай жасау, топтарда ұйымшыл ұжымдарды құру мақсатында өткізілді. Іс-шара барысында бірінші курс студенттері бір-бірімен танысып қана қоймай, өз өнерлерін көрсетуге мүмкіндік алды.

Жарқын, көңілді мерекені барлық білім беру бағдарламаларының 2-3 курс студенттері ұйымдастырып, өткізді. Жиналғандарды жоғары мектеп деканы Валентина Лебедева құттықтады. «Құрметті бірінші курс студенттері, сіздер біздің жоғары мектебіміздің тату ұжымының бір бөлігі болдыңыз. Жақсы оқып, пайдалы істерге белсене араласып, өздеріңе сенімді болып, армандарыңа батыл жетулеріңе тілектеспін!», - деді Валентина Ильинична.

Жиналғандарға мереке жүргізушісі – ДШжС-21 тобының студенті Қаллемов Алмас тамаша көңіл-күй сыйлады. Оқытушылар сайыстар мен ойындарға белсенді қатысқан студенттерді марапаттау үшін бағалы сыйлықтар дайындады. Оқытушылар мен жоғары курс студенттері бірінші курс студенттері үшін бұл күнді ұмытылмас етіп өткізуге тырысты.