«Еnactus PPU» командасы «Enactus Kazakhstan National EXPO - 2021» жартылай финал кубогының иегері атанды

24.06.2021

18 маусым күні Нұр-Сұлтан қаласында «ENACTUS KAZAKHSTAN NATIONAL EXPO - 2021» студенттік кәсіпкерліктің, стартаптар мен инновациялардың Ұлттық кубогы өтті.

Конкурсқа қатысуға 52 командадан 42 команда өтінім берді, оның ішінде 23 команда іріктеуден өтті.

Сайыс қорытындысы бойынша жартылай финалға 10 үздік құрама қатарында «EnactusPPU» командасы өтті.

Ресми ашылу салтанаты өткеннен кейін әрбір команда лигаларға бөлініп, өз жобаларын қорғауға ұсынды.

Астана медициналық университеті финалда үздік атанып, Әлемдік кубок қатысушыларының құрамына қосылды.

«Еnactus PPU» командасы 10 үздік команда қатарына қосылып, жартылай финал кубогына ие болды. Сонымен қатар, конкурс нәтижесі бойынша бізге демеушілік көрсеткен Beeline Kazakhstan компаниясы жобамызды жақсарту мақсатында бизнес-инкубаторға шақырды.

Біздің «Enactus Kazakhstan National EXPO-2021» жобасына қатысуға мүмкіндік сыйлаған Павлодар педагогикалық университетінің басқарма төрағасы – ректорымыз Жанбол Октябрович Жилбаевқа үлкен алғысымызды білдіргіміз келеді!