«ENACTUS KAZAKHSTAN BUSINESS COLLABORATION-2023» ФОРУМЫ

04.12.2023

Біздің университеттің «Enactus Margulan» командасы Алматыда өткен «Enactus Kazakhstan Business Collaboration-2023» форумына қатысты. Іс-шараға Қазақстанның түкпір-түкпірінен студенттер барды.

Бизнес-форум дарынды жастардың мүмкіндіктерін кеңейту, олардың өзіндік идеяларын және бизнес жобаларын жүзеге асыру, жастардың стартаптарын қолдау мақсатында ұйымдастырылды.

«Enactus Margulan» командасының капитаны Аман Сұлтанғазин форум бағдарламасы өте мазмұнды әрі қызықты болғанын айтады.

-Форум аясында ENACTUS Қазақстан командаларының бизнес жобаларының көрмесі мен марапаттау рәсімі өтті. "ENACTUS Alumni Hub-та" түлектер мен жас кәсіпкерлердің жетістіктері көрсетілді, - дейді ол.

Белгілі бизнес-сарапшылармен кездесулер ұймдастырылып, "KMF-Демеу" Корпоративтік Қорының бизнес-тренері Әлия Шарипова «Келіссөздер жүргізу» тренингін өткізді.

ЮНЕСКО-ның тәуелсіз сарапшысы Зейнолла Сәуле тұрақты дамуды жүзеге асыру тақырыбында сауалнама жүргізді. Биология ғылымдарының кандидаты, профессор Ғалия Нұрмұханбетова өз дәрісінде тұрақты дамудың әлеуметтік, экономикалық және экологиялық көрсеткіштерінің күрделі мысалдарын келтірді.

Марапаттау рәсімінде @enactus.margulan ұжымы “THE BEST PR TEAM” номинациясымен марапатталды. Бұл осы форум бойынша ең маңызды аталымдардың бірі.

«Enactus Margulan» ұжымы Әлкей Марғұлан атындағы Павлодар педагогикалық университеті мен Мұсахан Қанапиянов атындағы жоғары колледжінің басшылығына алғысын білдіреді!