ЕЛГЕ САҒЫНЫШ

02.04.2025

ҚР мәдениет саласының үздігі, Марғұлан университетінің оқытушысы Салтанат Тасболатқызы Ұлыстың ұлы күні "Әз Наурыз" мерекесіне орай, Монғолия мемлекетінде Ховда қаласында және Ресей федерациясы Алтай өлкесінде шәкірттерімен бірге "Елге сағыныш" атты шығармашылық кешін өткізді.

Бұл шараның мақсаты – қазақ мәдениетін, дәстүрлерін және өнерін насихаттау, жастардың шығармашылық қабілеттерін дамыту және ұлттық құндылықтарды сақтау болды. Кеш барысында шәкірттері ұлттық әндер мен қатар хит әндерді орындап, көрермендерді қазақ халқының бай мәдениетімен таныстырды.

Шара халықтың үлкен қошеметіне бөленіп, Салтанат Тасболатқызының еңбегі мен шығармашылығы жоғары бағаланды. Оның өнері мен педагогикалық қызметі арқасында жастар арасында ұлттық рухты көтеруге, мәдениетімізді дәріптеуге үлес қосқаны үшін Ховда қаласының Құрметті азаматы медалімен марапатталды.

Салтанат Тасболатқызының бұл жетістігі тек оның жеке кәсібилігін ғана емес, сонымен қатар қазақ мәдениетінің шетелде танылуына да зор ықпал етті. Мұндай шаралар қазақ халқының бірлігі мен рухын нығайтуға, жастардың патриоттық сезімін арттыруға бағытталған маңызды қадам болып табылады.