"ТАЗА БАЯН-ТАЗА ЖҮРЕК" АКЦИЯСЫ АЯҚТАЛДЫ

11.05.2022

Павлодар педагогикалық университетінің студенттері “Таза Баян-Таза жүрек” экологиялық акциясына қатысты. Еріктілер Баянауыл ұлттық паркін қоқыстардан тазартып, тастарға жазылған жазуларды өшірді. Экологиялық акцияға Павлодар қаласынан 150 волонтер қатысты.

- Баянауыл ауданының курорттық аумақтарында екі күн тазалық жүргіздік. Атап айтқанда, Жасыбай көлі мен Торайғыр көлінің жағасындағы қоқыстар шығарылды. Сонымен қатар, Кемпіртастағы жазулар мен суреттер өшірілді. Осы акция барысында демалушылардың тазалық мәдениетін толық сақтамайтынын аңғардық. Барша келушілерді тазалық сақтауға шақырамын, - дейді Павлодар педагогикалық университетінің студенті Арайлым Сүндет.