«ЕГЕМЕН ЕЛДІҢ ЕҢСЕСІ БИІК» АТТЫ ДӨҢГЕЛЕК ҮСТЕЛ

24.10.2023

«Тарих» білім беру бағдарламасының оқытушылары "Ertis" мұражайымен бірлесіп, Республика күніне орай "Егемен елдің еңсесі биік" тақырыбында дөңгелек үстел өткізді. Шара тарих апталығы аясында өтті.

Ата-бабаларымыз туған жерді қорғап, оны бізге, бүгінгі ұрпаққа мұра етіп қалдыру үшін сан ғасырлар бойы күресті. Ауыр сынақтардан өткен қазақ халқы соған қарамастан рухын қайрап, бірлігі мен ынтымағын шыңдай түсті.

Іс-шара барысында PhD докторы, Польшадан келген профессор Павел Корженевский құттықтау сөз сөйледі. Әрі қарай PhD докторы, қауымдастырылған профессор Садықова Айгүл Маратқызы «Саяси құғын-сүргін құрбандарын толық ақтау жөніндегі мемлекеттік комиссияның материалдары (ХХ ғасырдың 20-50 жылдары). 17 Том: Павлодар өңіріндегі саяси қуғын-сүргін: халық трагедиясы» құжаттар мен материалдар жинағын ұсынды.

Дөңгелек үстелге "НҰР АНА әлемі" қоғамдық бірлестігінің төрағасы, Павлодар облысы Қазақстан Халықтары Ассамблеясы аналар кеңесінің төрағасы Максилова Бақытжамал, сондай-ақ, өңіріміздің белсенді жастары мен студенттері қатысты.