ҚЫЗМЕТКЕРЛЕРІМІЗ МАРАПАТТАЛДЫ

02.02.2021

ППУ-дың Е.Бекмаханов атындағы кітапхана директоры Игібаева Роза Ержанқызы ҚР Білім және ғылым министрі А.Аймағамбетовтің Құрмет грамотасына ие болды.

Роза Ержанқызы университетімізде 2017 жылдан бері қызмет істейді. Осы уақыт аралығында ол оқу ордамыздың көркеюіне бірталай еңбек сіңірді. Көптеген университетішілік шаралардың ұйымдастырылуына, атап айтқанда, «Рухани жаңғыру» бағдарламасы аясында жүзеге асырылып жатқан «Қазақ тіліндегі 100 жаңа оқулық» жобасы, республикалық «Бір ел – бір кітап» акциясы,  «Кітап. Уақыт. Қоғам» халықаралық ғылыми-практикалық конференциясы, Е.Бекмахановтың 105 жылдығына арналған шаралардың биік деңгейде ұйымдастырылып, өткізілуіне нәтижелі үлес қосты.

Сондай-ақ жуырда болып өткен Қазақстан Республикасы Парламентінің Мәжілісі мен мәслихаттар депутаттарының сайлауында белсенділік танытып, «Nur Otan» партиясының жеңіске жетуіне үлес қосқаны үшін университетіміздің бірқатар қызметкерлері: Е.Бекмаханов атындағы кітапхана директоры Игібаева Р.Е., Жастар саясаты департаментінің директоры Құсманова М.Ш., Жастар саясаты департаментінің мамандары: Тихонова  Е.К., Абдоллаев А.С. Елбасының Алғыс хатымен марапатталды.

Қара шаңырағымыз – Павлодар педагогикалық университетінің гүлденуі жолында еңбек етіп, өз үлестерін қосып жүрген университет қызметкерлерін жеңістерімен құттықтаймыз!

ППУ Баспасөз қызметі