ДРЕЗДЕН ТЕХНИКАЛЫҚ УНИВЕРСИТЕТІНІҢ СТУДЕНТТЕРІ MARGULAN УНИВЕРСИТЕТІНЕ КЕЛДІ

17.03.2025

Павлодар педагогикалық университеті Әлкей Марғұлан (Margulan University) Дрезден техникалық университетінің (Германия) студенттері София Квайссер мен Николь Буссты «WELCOME TO MARGULAN UNIVERSITY» халықаралық академиялық мобильдік бағдарламасы аясында қарсы алды.

Студенттер 6В01720 «Орыс тілі мен әдебиеті» гуманитарлық ғылымдар жоғары мектебінің білім беру бағдарламасы бойынша күндізгі формада оқитын болады. Студенттердің қабылдануы жоғары оқу орындары арасындағы ынтымақтастық туралы Меморандум негізінде ұйымдастырылды.

Бұл ынтымақтастық Павлодар педагогикалық университеті Әлкей Марғұлан мен Дрезден техникалық университеті арасындағы жемісті академиялық байланыстардың жалғасы болып табылады. Университеттерде бірлескен ғылыми зерттеулер, сондай-ақ оқытушылар мен студенттер тәжірибе алмасу бар.

Академиялық мобильдік аясында студенттер орыс тілі мен әдебиеті бойынша білімдерін тереңдетіп, Қазақстанда қабылданған оқу әдістемелерімен танысып, мәдениетаралық құзыреттерін кеңейтеді.

Павлодар педагогикалық университеті Әлкей Марғұлан (Margulan University) білім беруді интернационализациялауға және халықаралық ынтымақтастықты дамытуға үлкен көңіл бөледі. Академиялық мобильдік бағдарламасы әртүрлі елдердегі университеттер арасындағы академиялық байланыстарды нығайтуға, білім алушылар мен оқытушылар үшін білім беру мүмкіндіктерін кеңейтуге, сондай-ақ білім мен ғылым саласындағы үздік тәжірибелермен алмасуға ықпал етеді.