ДОКТОРЛЫҚ ДИССЕРТАЦИЯ ҚОРҒАУ ТАЛАПТАРЫН ТҮСІНДІРДІ

29.02.2024

Гуманитарлық ғылымдар жоғары мектебінің профессоры Г.Е. Отепова мен PhD докторы, оқытушы-зерттеуші Г. Б. Жәкібаева докторлық диссертация қорғау тақырыбында семинар өткізді. Семинарға «Тарих»,«Орыс тілі мен әдебиеті»,«Қазақ тілі мен әдебиеті»,«Шет тілі: екі шет тілі» білім беру бағдарламаларының докторанттары қатысты.

Іс-шара тәжірибе алмасу, сондай-ақ осы процестің негізгі аспектілерін талқылау және жас ғалымдарға кеңестер мен бағыт-бағдар беру мақсатында ұйымдастырылды. Семинар барысында баяндамашылар қорғауға жіберу үшін жарияланымдарға қойылатын талаптарға тоқталып, докторант қорғауға дейін және одан кейін өтуі тиіс негізгі кезеңдерді, соның ішінде диссертацияның нәтижелерін жариялау үдерісін жан-жақты қарастырды.

Семинар ғылыми пікірталас түрінде өтті, онда осы процедураның өзекті мәселелері талқыланды. Қатысушылар диссертациялық зерттеулерде одан әрі пайдалану үшін құнды ақпараттар мен ұсыныстар алды.