ДЕНЕ ШЫНЫҚТЫРУ БОЙЫНША ШЫҒАРМАШЫЛЫҚ ЕМТИХАНДАР АЯҚТАЛДЫ

11.07.2022

Павлодар педагогикалық университеті өнер және спорт жоғары мектебінің дене шынықтыру мамандығына түсуші талапкерлер екінші шығармашылық емтихан тапсырды. Талапкерлер өздері таңдаған спорт түрлері бойынша, яғни, күрес, бокс, гимнастика, акробатика, велоспорт, мәнерлеп сырғанау, суда жүзу т.б спорт түрлері бойынша сынақтан өтті.
Өнер және спорт жоғары мектебінің қабылдау комиссиясының хатшысы Зейнет Кожмулдинованың сөзінше, шығармашылық емтихан тапсырғандар арасында әртүрлі спорттық жарыстардың жеңімпаздары және спорт шеберлері де бар. Жоғары мектептің қазақ тобына 107 талапкер, орыс тобына 85 талапкер құжат тапсырған. Ал қысқартылған қазақ тобына 13, орыс тобына 1 түлек келді. Емтихан қорытындысы бүгінгі күннің соңына дейін белгілі болады. Енді талапкерлер ҰБТ мен екі шығармашылық емтихан қорытындысы бойынша жинаған балл көрсетілген сертификатпен мемлекеттік грант конкурсына өтініш береді. Конкурсқа құжаттар шілде айының 13-20 аралығында қабылданады.Біздің университетті таңдаған талапкерлерге сәттілік тілейміз.