ДЕФЕКТОЛОГТАР МЕН ЛОГОПЕДТЕРГЕ АРНАЛҒАН ОБЛЫСТЫҚ СЕМИНАР

21.11.2024

2024 жылғы 20 қарашада Педагогика жоғары мектебінің педагог-сарапшысы Әсем Жанкуразова «Түзету жұмысын жетілдіру шеңберінде арнайы мұғалімнің (дефектолог-мұғалімнің) кәсіби құзыреттілігін дамыту» тақырыбындағы облыстық семинарға сарапшы ретінде қатысты. Семинар Павлодар қаласындағы №1 балабақша - мектеп интернатының арнайы кешенінде өтті.
Шараға облыстық білім беру ұйымдарының логопедтері мен дефектологтары жиналды. Семинар барысында қатысушылар ерекше білім беру қажеттіліктері бар балалармен жұмыс жасау мәселелері бойынша ашық сабақтарға қатысып, баяндамалар тыңдап, шеберлік сабақтары түріндегі шығармашылық жұмыстарға қатысты.