ӘДЕБИЕТКЕ БИБЛИОГРАФИЯЛЫҚ ШОЛУ ЖАСАЛДЫ

17.03.2021

Е.Бекмаханов атындағы ППУ-дың ғылыми кітапханасы №28 орта мектебінде «Оқуға құштар мектеп – оқуға құштар ұлт» республикалық жобасын жүзеге асыру мақсатында «Кітаптар әлемінде» тақырыбында библиографиялық шолу өткізді. Биылғы жылы Тәуелсіздіктің мерейтойына орай қазақстандық және шетелдік авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыұлттық оқу үшін іріктелді. Шолу үшін «Балалар әдебиеті» бөлімі бойынша Ы.Алтынсарин, Б.Соқпақбаев, М.Қабанбаев, Т.Әбдірайым, З.Наурызбаева, Л.Калаус және М. Айымбетов шығармаларынан кітаптар мен слайд бағдарламалары дайындалды. Мектеп оқушылары республикалық акция бойынша ұсынылған кітаптар туралы ақпаратты қызығушылықпен қабылдап, қазақстандық жазушылар мен ақындардың шығармалары бойынша викторинаға қатысты.