«ДАМУ КЕҢІСТІГІ» ЖАС МҰҒАЛІМДЕРДІҢ ОБЛЫСТЫҚ ФОРУМЫ

14.12.2022

Бүгін Павлодар ауданы Шақат орта мектебінің базасында «Даму кеңістігі» атты облыстық жас мұғалімдер форумы өтті.

Форумға Әлкей Марғұлан атындағы Павлодар педагогикалық университетінің ғылыми жұмыстар және халықаралық байланыстар жөніндегі проректоры, профессор Бауыржан Есенгелдин шақырылды.

Проректор жас ұстаздарға оқушылардың ата-аналарымен қарым-қатынас жасаудың, бала тәрбиесінде практикалық көмек көрсетудің маңыздылығын айтты.

- Ата-аналармен тығыз байланыста болып, оларды балаларының сабағына қатысуға мүмкіндік беру қажет. Яғни, сабаққа ата-аналарды да шақырып, оларға үй тапсырмасын орындауды қызықты үрдіске айналдыруды көрсету маңызды, - деді Бауыржан Сатыбалдыұлы.

«Шексіздік қыры» атты ашық диалог барысында жас мұғалімдердің сұрақтарына жауап беріп, оларды магистратура мен докторантура арқылы біліктілігін арттыруға шақырды.

Облыстық форум өз жұмысын бес бағыт бойынша жалғастырды: Жас педагогтарға арналған ғылыми-әдістемелік практикумда «Табысқа жету жолы», «Mobile learning», «Work shop», «Мектептегі инклюзивті оқыту», «Этноспорт» тақырыптары қамтылды.