Біздің университеттің студенттері аймақ командасының құрамында спорттық акробатикадан Қазақстан Кубогының иегері атанды!

30.11.2021

Павлодар қаласында ҚР Кубогы мен ҚР чемпионатында спорттық акробатика бойынша жеке жаттығуларда Павлодар педагогикалық университетінің Өнер және спорт жоғары мектебінің студенттері Карина Чубченко мен Руслан Аубакиров өз серіктестерімен 1,2 және 3 орын алды. Ал Анжелика Бобошко өзінің серіктесімен бірге 3 бірінші орынға ие болды.

Өнер және спорт жоғары мектебінің студенттері Павлодар облысының акробатика командасының құрамында өнер көрсетіп, адам денесінің таңғажайып мүмкіндіктерін көрсетті.

Жарыс шарттары бойынша қатысушылар жаттығулардың үш түрін орындайды: баланстық, динамикалық және аралас. Кубок иелері осы үш жаттығудың қосындысы бойынша анықталады.

Командалық есепте Павлодар облысының командасы 1 жалпыкомандалық орынға ие болып, Қазақстан Кубогының иегері атанды.