Біздің университеттің магистранты Тәуелсіздік мерейтойына арналған айтыста III орынды жеңіп алды!

06.12.2021

Павлодар педагогикалық университетінің магистранты Мизан Жұмаәлі Қазақстан Республикасы Тәуелсіздігінің 30 жылдығына арналған "Тәуелсіздікке тағзым" атты облыстық ақындар айтысында жүлделі III орынға ие болды.

3-4 желтоқсанда Павлодарда Павлодар облысының әкімдігі, Облыстық мәдениет, тілдерді дамыту және архив ісі басқармасы, "Шаңырақ" халық шығармашылығы орталығының ұйымдастыруымен "Тәуелсіздікке тағзым" атты ақындар айтысы өтті. Үздік айтыскер атағы үшін облыстың барлық қалалары мен аудандарынан 18-70 жас аралығындағы 30-ға жуық қатысушы бақ сынады.

Байқаудың қазылар алқасына арнайы шақырылған құрметті қонақтар, Халықаралық "Алаш" әдеби сыйлығының лауреаты, "Құрмет" орденінің, "Ерен еңбегі үшін" медалінің иегері Ғалым Жайлыбай мен Л.Н.Гумилев атындағы ЕҰУ профессоры, көптеген республикалық және халықаралық айтыстардың жеңімпазы Аманжол Әлтаев кірді.

Байқау комиссиясы ақындардың жоғары дайындық деңгейін атап өтті. Олардың пікірінше, айтыс деңгейін Республикалық деп атауға болады. Біздің қатысушы Мизан Жұмаәлі "Алтын домбыра" иегері Аспанбек Шұғатаев, белгілі ақындар Рауан Қайдаров пен Қуанышбек Шарманов сынды республикалық деңгейдегі жұлдызды айтыскерлермен бірге лайықты өнер көрсетіп, І турдың финалына өтті.

Байқаудың финалында Мизан өте жарқын, қызықты өнер көрсетіп, III орын және 500 мың теңге ақшалай сыйлық алды. Байқауды қорытындылай келе, қазылар алқасы көрермендерді өзінің дана ойларымен, терең мағыналы өлеңдерімен қуантқан Мизан Жұмаәлінің шығармашылығын ерекше атап өтті.

Облыстық деңгейдегі ақындар айтысын Павлодар педагогикалық университетінің Жастар саясаты департаменті студенттік филармонияның көркемдік үйірмесінің жетекшісі Оразбек Бахатхан жүргізді.