Біздің студент Қазақстан Республикасы колледждерінің үздік студенттерінің қатарында!

18.11.2021

Павлодар педагогикалық университетінің Жоғары колледжінің 3 курс студенті Тоғжан Байдюсен "Қазақстан Республикасы колледждерінің ТОП 100 студенті"республикалық жобасының жеңімпаздары қатарына кірді.

Тоғжан Байдүсен - "ағылшын тілі мұғалімі" мамандығы бойынша үздік оқиды. Жеті жылдан астам өлең жазады, "Асқақ арман" кітабының авторы. Тоғжан - белгілі педагог Мұсахан Қанапияновтың жылдық атаулы шәкіртақысының және Құрмет дипломының иегері. Қалалық, облыстық, республикалық олимпиадалардың жүлдегері. "Жас дарын" республикалық сыйлығының лауреаты. Оқудан басқа спортта жетістіктері бар: 21 жасқа дейінгі қыздар арасында үстел теннисінен Павлодар облысының екі дүркін чемпионы, шахматтан I орын иегері.

Онлайн-дауыс беру барысында осындай белсенді өмірлік ұстанымы бар қызға мыңдаған адам дауыс берді. Айта кетейік, республикалық байқауға Қазақстанның барлық 17 өңірінің өкілдері қатысты.

Ұйымдастырушылардың айтуынша, Қазақстан Республикасы колледждерінің "Топ-100 студенті" жобасы белсенді жастарды қолдау және колледждерде кадрлар даярлауды танымал ету мақсатында өткізіледі. Байқау жеңімпаздары кәсіпорын басшыларынан өз мамандықтары бойынша жұмысқа шақыру алады.