БІРІНШІ КУРС СТУДЕНТТЕРІ ОҚУҒА КІРІСІП КЕТТІ

09.02.2021

1 ақпаннан бастап ППУ-дың 1 курс студенттері дәстүрлі оқу форматына көшті. Жоғары педагогика мектебінің тәрбие жұмысының жоспарына сәйкес, бірінші курс студенттері университеттің құрылымдық бөлімшелерімен танысты. 2 ақпан күні студенттер Е.Бекмаханов атындағы ғылыми кітапханасында болып, кітапхана директорының орынбасары Төлеубаева Қарлығаш Көбетайқызымен бірге кітапхананың негізгі бөлімдерімен танысып, кітапхана қоры, электронды каталог туралы керекті ақпарат алды. 3 ақпанда «Педагогика және психология» мамандығының студенттері жастар саясаты жөніндегі департаментімен, атап айтқанда, «Jastar ortalygy»-ның директоры М.Ш.Кусманова және әлеуметтік мәселелер бөлімінің басшысы А.Б. Жүсіпбаевпен кездесті. Кездесу барысында студенттерге сабақтан бос уақытта қатыса алатын үйірмелер мен секция жұмыстары туралы айтылды. 4 ақпан күні студенттер ППУ табиғат мұражайын аралады. Музей коллекцияларын сақтаушы Жаркын Қабдоллов студенттерге Павлодар өңіріндегі кездесетін жан-жануар, құс атаулысымен таныстырып, тарихи қазбалар және мұражайдың қызықты экспонаттары туралы мағлұмат берді. Барлық іс-шаралар санитарлық нормаларға сәйкес жүргізілді.

                                                                                                                                                                        Педагогика жоғары мектебі