БОЛАШАҚ ПЕДАГОГТАР: ТЕОРИЯДАН ПРАКТИКАҒА

18.11.2025

Әлкей Марғұлан атындағы Павлодар педагогикалық университетінде Құзыреттер және үздіксіз білім беру орталығы университеттің жоғары мектептерімен бірлесіп «Оқу тапсырмаларын бағалау өлшемшарттарын әзірлеу және қолдану: теориядан практикаға» атты офлайн курс ұйымдастырды. Курс бітіруші курс студенттерінің критериалды бағалау бағытындағы кәсіби құзыреттілігін арттыруға бағытталды.

Дәрісті Педагогика жоғары мектебінің педагогика ғылымдарының кандидаты А.М. Утилова жүргізді.
Курс барысында студенттер оқу тапсырмаларына арналған бағалау критерийлерін әзірлеу, оларды оқу үдерісінде тиімді қолдану, қалыптастырушы және жиынтық бағалаудың ғылыми-әдістемелік негіздерімен танысты. Сонымен қатар қатысушылар практикалық тапсырмалар орындап, бағалаудың заманауи тәсілдерін талқылады.

Университет өкілдерінің айтуынша, мұндай бағдарламалар болашақ педагогтардың кәсіби дайындығын күшейтіп, қазіргі білім беру талаптарына бейімделуіне мүмкіндік береді.