БІЗДІҢ ТОҒЫЗҰМАЛАҚШЫЛАР ҮШІНШІ ОРЫНДА

12.06.2023

Ақтау қаласында өтіп жатқан студенттер универсиадасында Ә.Марғұлан атындағы Павлодар педагогикалық университетінің командалары да сәтті өнер көрсетуде. Өнер және спорт жоғары мектебінің студенттері тоғызқұмалақтан командалық есеп бойынша үшінші орынды еншіледі.

Команда жетекшісі - тоғызқұмалақ бойынша жаттықтырушы Медет Сырлыбаев. Жаттықтырушылардың айтуынша, универсиаданың тоғызқұмалақ жарысында еліміздің барлық облыстарынан келген 15 команда бақ сынаған.

Команда құрамында Аружан Абдыханова, Жәмила Байлдашева, Аяулым Серікова деген студенттер болды. Ал жекелей қорытынды бойынша Аружан екінші орынды, Жамила үшінші орынды жеңіп алса, Аяулым төртінші орыннан көрінді.