БОЛАШАҚ БИОЛОГИЯ МҰҒАЛІМДЕРІ ОЛИМПИАДАДА ҮЗДІКТЕР ҚАТАРЫНАН КӨРІНДІ

22.04.2024

Өзбекәлі Жәнібеков атындағы Оңтүстік Қазақстан педагогикалық университетінің базасында "В015 - биология мұғалімдерін даярлау" студенттеріне арналған XVI Республикалық пәндік олимпиадасы өтті. Олимпиадаға еліміздің 19 ЖОО студенттері қатысты.
Бірінші теориялық тур компьютерлік тестілеу форматында өтті. Ал үй тапсырмасында бейне және қысқа мерзімді сабақ жоспарын әзірледі. Екінші турға биологияның негізгі бөлімдері бойынша практикалық тапсырмалар және оқыту әдістемесі бойынша ситуациялық тапсырмалар кірді.
Аталған олимпиадаға Әлкей Марғұлан атындағы Павлодар педагогикалық университетінен "Биология" білім беру бағдарламасының 3 курс студенттері Александра Губайдуллина және Дильназ Базарбаева қатысты. Жетекшісі жоғары оқу орнының қауымдастырылған профессоры Г.Е.Асылбекова. Олимпиада нәтижесінде біздің студенттер жүлделі 2 орынға ие болды. Сонымен қатар Д. Базарбаева "Жас талап" номинациясы бойынша дипломмен, А.Ғубайдуллина қатысқаны үшін арнайы сертификатпен марапатталды.