БІЗДІҢ СТУДЕНТ - ТАЭКВОНДОДАН ҚАЗАҚСТАН КУБОГІНІҢ ЧЕМПИОНЫ АТАНДЫ

09.11.2023

Марғұлан Университетінің 1 курс студенті Рафаел Чичоян Семей қаласында таэквондо ITF бойынша ересектер мен жастар арасында өткен Қазақстан кубогының абсолютті жеңімпазы атанды. Ауқымды турнирге еліміздің барлық аймақтарынан 800-ден астам спортшы қатысты.

Рафаел 16 мен 17 жас аралығындағы 75 келіге дейінгі категорияда сынға түсті. Ол үш жекпе-жек өткізіп, барлығында жеңіске жеткен. Финалда шымкенттік қарсыласымен кездесіп, жастар арасындағы ҚР кубогында 1-орынға ие болды.

Рафаелді Павлодар облыстық ITF таэквондо федерациясының президенті, халықаралық нұсқаушы, VI дан иегері Шакилов Азамат Бекболатұлы дайындайды.

Рафаел – 2023 жылғы әлем чемпионатының күміс жүлдегері, 2021 жылғы әлем чемпионатының чемпионы, 2023 жылғы Азия чемпионатының қола жүлдегері, 2022, 2023 жылғы Қазақстанның екі дүркін чемпионы.