БІЗДІҢ СТУДЕНТ МУАЙ-ТАЙДАН ӘЛЕМ ЧЕМПИОНАТЫНЫҢ ҚОЛА ЖҮЛДЕГЕРІ

24.03.2023

Марғұлан университетінің Өнер және спорт жоғары мектебінің ДШжС-18 тобының студенті Диас Жаманбай Тайландтың Бангкок қаласында өткен муай-тайдан әлем чемпионатының қола жүлдегері атанды.

Муай-тайдан XVIII әлем чемпионатына 26 түрлі елден 300-ден астам спортшы қатысты.

Диас 16-18 жас аралығындағы спортшылар арасында 63 келі салмақта сынға түсті. Финалдық жекпе-жекте Диас өзінен әлдеқайда ірі болып шыққан, физикалық жағынан басым қырғыз спортшысымен жұдырықтасты. Тартысты жекпе-жектің нәтижесінде Диас қарсыласынан «2:1» есебімен жеңіліп қалды.

Диас Жаманбай – жастар арасында Павлодар облысының екі дүркін чемпионы, ерлер арасында облыстың екі дүркін чемпионы, муай-тайдан Қазақстан Республикасының екі дүркін чемпионы. Әлем чемпионатында ол екінші рет өнер көрсетті. Өткен жылы Паттайяда өткен муай-тайдан әлем чемпионатында күміс жүлдегер атанды.

Спортшыны Қазақстан Республикасының еңбек сіңірген жаттықтырушысы, Павлодар облысының муай-тай федерациясының президенті Смағұлов Марат Сағындықұлы дайындады.