БІЗДІҢ ПАУЭРЛИФТЕРЛЕР АЗИЯНЫҢ ҮЗДІК СПОРТШЫЛАРЫ АТАНДЫ

10.05.2023

Марғұлан университетінің Өнер және спорт жоғары мектебінің студенттері мен оқытушысы Үндістанда аяқталған пауэрлифтингтен құрал-жабдық бойынша Азия чемпионатында алтын медальдар жеңіп алды.

Өнер және спорт жоғары мектебінің оқытушысы Ксения Окатенко пауэрлифтингтен Азияның абсолютті чемпионы атанды. Ол ересектер санатында төрт алтын медаль жеңіп алды. Ксения 2008 жылдан бері спортпен айналысады. Жарыстарда ол өте жақсы дайындық көрсетті. Жаттықтырушылардың айтуынша, оған тең келер ешкім болмады, ол қарсыластарынан анағұрлым басым болды.

ДШжС-22 тобының студенті Вадим Плахотников 74 келі салмақ дәрежесінде жасөспірімдер арасында бірінші орынды жеңіп алды. Қытайдан келген спортшымен болған тартысты күресте Вадим ең жоғары 285 келі салмақты көтеріп, Павлодарға алтын әкелді.

52 келіге дейінгі жасөспірімдер арасында ДШжС-12 тобының студенті Олеся Жиляева алтыннан алқа тағынып, өте жақсы нәтиже көрсетті. Спортшыларды Қазақстан Республикасының еңбек сіңірген жаттықтырушылары ағайынды Иван және Андрей Прокопенколар дайындады.

Спортшыларымызды және олардың жаттықтырушыларын Азия чемпионатындағы жеңістерімен құттықтаймыз және оларға әлемдік спорт аренасында алдағы уақытта да жетістіктер тілейміз!