БІЗДІҢ ГИМНАСТТАР - ХАЛЫҚАРАЛЫҚ ТУРНИРДІҢ ЖҮЛДЕГЕРЛЕРІ

30.06.2023

25-28 маусымда Павлодар қаласында батут гимнастикасы және спорттық акробатикадан «Ертіс таңдары» халықаралық турнирі өтті. Ауқымды спорттық жарыстарға бес елден: Ресей, Әзірбайжан, Өзбекстан, Қырғызстан және Қазақстаннан 300-ден астам спортшы қатысты.

Өнер және спорт жоғары мектебінің студенттері батут гимнастикасынан өткен турнирде сәтті өнер көрсетті. Батутта секіруден ДШжС-32 тобының студенті Алина Сәрсембаева екінші орын алды. Ол қос мини-трампта қола жүлдегер атанды. Қыздар арасындағы жұптық спорттық акробатикадан жарыста ДШжС-22 тобының студенті Бобошко Анжелика қола жүлдені жеңіп алды.

Спортшыларды біліктілігі жоғары жаттықтырушы-ұстаздар Евгений Бронский мен Елена Гмызун дайындайды. Гимнасттарды және олардың жаттықтырушыларын халықаралық турнирдегі сәтті өнерлерімен құттықтаймыз!