БІЗДІҢ АКРОБАТТАР - ҚР ЧЕМПИОНАТЫ ЖӘНЕ ҚР КУБОГЫНЫҢ ЖЕҢІМПАЗДАРЫ МЕН ЖҮЛДЕГІЛЕРІ

19.10.2022

12-19 қазан аралығында Алматы қаласында ересек спортшылар арасында өткен Батут гимнастикасынан Қазақстан Республикасының чемпионаты мен Кубогында Өнер және спорт жоғары мектебінің студенттері сәтті өнер көрсетті.

Жарыс барысында ДШжС – 22 тобының студенті Бутолина Виктория абсолютті нәтиже көрсетті. Ол жеке және синхронды батуттарда Қазақстан Республикасының чемпионатында да, Кубогында да жеңімпаз атанды. Қазақстан Республикасы чемпионатындағы тамаша жеңісінен кейін Вика алдағы бір айдан кейін Болгарияның астанасы – София қаласында өтетін Әлем чемпионатына дайындалуда.

ДШжС – 32 тобының студенті Алина Сәрсембаева да сәтті өнер көрсетті. Ол шағын трампта секіруден Қазақстан Республикасы чемпионатының күміс жүлдегері атанды, ал Қазақстан Республикасы Кубогында үшінші орынды иеленді.

ДШжС - 32 тобының студенті Даниил Парфенов шағын трамппен секіруден Қазақстан Республикасы чемпионатының және Қазақстан Республикасы кубогының қола жүлдегері атанды. Жарыстың салтанатты жабылу рәсімінде оған Қазақстан Республикасының халықаралық дәрежедегі спорт шебері күәлігі табыс етілді.

Спортшыларды және олардың жаттықтырушыларын: Екатерина Сергеевна Свиридованы, Елена Павловна Бронскаяны және Евгений Васильевич Бронскийді Қазақстан Республикасының чемпионаты мен кубогындағы сәтті өнерімен құттықтаймыз. Сіздерге алдағы уақытта да жеңістер мен жетістіктер тілейміз!