БІЗДІҢ АКРОБАТТАР ПОЛЬШАДА БОЛҒАН ӘЛЕМ ЧЕМПИОНАТЫНДА КҮМІС ЖҮЛДЕ АЛДЫ!

13.06.2022

Өнер және спорт жоғары мектебінің студенті Руслан Аубакиров оқушы қыз Злата Богуновамен бірге Польшаның Жежув қаласында өткен Спорттық акробатикадан әлем кубогында күміс жүлдегер атанды!

WORLD CUB спорттық акробатикадан әлем кубогына әлемнің түкпір-түкпірінен ең мықты жұптар қатысты.

Қазақстан құрамасы сапында өнер көрсеткен Руслан Аубакиров пен Злата Богунова өз жас санатында тартыста жеңіске жетіп, әлемдік тұғырдан құрметті екінші орынды иеленді.

Спортшыларды тәжірибелі жаттықтырушы Светлана Аубакирова жаттықтырады. Еске салайық, Павлодар Ертіс өңірінің спорттық акробатика мектебі отандық көшбасшылардың бірі болып саналады.

«Біздің жұп көрермендерді, қазылар алқасын және көптеген елдерден келген жаттықтырушыларды өз шеберлігімен, әртістік қабілеттерімен және элементтерді орындау техникасымен таң қалдырды. Көрермендер жұбымызды ду қол шапалақтап қолдады. Еуропа елдерінен келген жаттықтырушылар бізді қолдап, таңданысын білдірді.

Финалда Руслан мен Злата өте жоғары баға алды. Спортшылар үш жаттығу бойынша сынға түсті. Біріншісі – тепе-теңдік, екіншісі – динамикалық жаттығу. Осы жаттығулардың жиынтығынан кейін жұп финалға шықты, онда олар біріктірілген жаттығумен орындап, өте жоғары балл алды », - деді Светлана Юрьевна.

Еске салайық, Спорттық акробатикадан әлем чемпионаты 1974 жылдан бері өткізіліп жатқан осы спорт түрінен ең ірі жарыс болып табылады. Біздің спортшыларды және олардың жаттықтырушысын әлемдік деңгейдегі осындай беделді жарыстағы жеңісімен құттықтаймыз! Біз сіздерді мақтан тұтамыз!