«BIR TOLQYNDA» ФОРУМЫ: MU СТУДЕНТТЕРІ ЖАСТАРҒА АРНАЛҒАН ӨЗЕКТІ МӘСЕЛЕЛЕРДІ КӨТЕРДІ

09.10.2024

«Жастар рухы» жастар қанаты Марғұлан университетінің студенттерімен «Bir tolqynda» атты ашық форум өткізді. Шараға Павлодар қалалық мәслихатының депутаты Мәдина Мұзапарова, «АМАНАТ» партиясы қалалық филиалы хатшысының міндетін атқарушы Сүлеймен Сыздықов және «Жастар рухы» жастар қанаты облыстық филиалының төрағасы Мерғали Жүсіпов қатысты.

«Bir tolqynda» форумы жастар саясатының өзекті мәселелері мен студенттер мен жергілікті билік арасындағы өзара іс-қимылды талқылаудың маңызды алаңына айналды.

Іс-шараның мақсаты студенттерді жастар саясатының жұмысымен таныстыру ғана емес, сонымен қатар патриотизмді, белсенді өмірлік ұстанымды дамыту. Сондай-ақ, жастар мен мемлекеттік қызметкерлер арасында ашық диалог алаңын құру болды.

Форум барысында қатысушылар білім алу, жұмыспен қамту және жастардың әлеуметтік белсенділігіне қатысты тақырыптарды талқылады. Студенттер көкейлерінде жүрген сұрақтарын қойып, өз ойлары мен ұсыныстарын ортаға салды.