«БЕЛСЕНДІ РУХТАС-2024» РЕСПУБЛИКАЛЫҚ ЖАСТАР СЫЙЛЫҒЫН ЖЕҢІП АЛДЫ

23.12.2024

Елордамыз Астана қаласында «AMANAT» партиясы жанындағы «Жастар Рухы» жастар қанатының «Рухтастар-2024» жастар сыйлығы премиясы өтті.

Айтулы іс-шараға Марғұлан университеті Гуманитарлық ғылымдар жоғарғы мектебінің 3-курс студенті, «Жастар Рухы» ЖҚ ұйымының төрағасы Асанбай Гүлжайнар Бауыржанқызы қатысып, «Белсенді Рухтас-2024» жыл белсендісі номинациясына және 200 000 көлемінде ақшалай сыйлыққа ие болды. Ал сыйлықты арнайы «AMANAT»партиясының атқарушы хатшысы Дәулет Жамаубайұлы Кәрібек табыстады.

Сонымен қатар Гүлжайнар Марғұлан Университетінің «Жыл Үздігі-2024»жастар премиясының «Жыл көшбасшысы-2024» номинациясын және 30 000 теңге көлемінде ақшалай сыйлыққа ие болған болатын.

«Осы орайда,маған сенім артқан “Жастар Рухы” ұйымына жәнеде мені қолдаған барша жанға алғысым шексіз.Республикалық көлемде еңбегім ақталғанына өте қуаныштымын. Осындай мүмкіндіктер үшін Марғұлан университетіне алғысымды білдіремін»-деп Гүлжайнар Бауыржанқызы өз ізгі тілегін білдірді.