БЕЛБЕУ КҮРЕСІНЕН ОБЛЫС ЧЕМПИОНАТЫ

08.02.2022

Павлодар педагогикалық университетінің студенттері белбеу күресінен Павлодар облысының чемпионатына алғаш рет қатысып, жақсы нәтиже көрсетіп үлгерді.

Шарбақты ауылында 23 жасқа дейінгі ерлер мен қыздар арасында белбеу күресінен Павлодар облысының чемпионаты өтті. Павлодар Ертіс өңірінің әртүрлі оқу орындарының 2003-2005 жылғы ұл-қыздары күрес кілемінде ептілігі мен мықтылығын көрсетті.

Павлодар педагогикалық университетінің Жоғары өнер және спорт мектебінің студенттері осы көне спорт түрінен алғаш рет шеберліктерін көрсетті. Күштері мен табандылығының арқасында олар бірінші, екінші, үшінші орындарды жеңіп алды.

+78 келі салмақта бірінші орынды 3 курс студенті Омар Гауһар жеңіп алды. Екінші орындарды: 72 келі салмақта - 2 курс студенті Ниязбек Карина, салмағы 65 кг. - 2 курс студенті Мұхан Әлия, +78 салмақта - 2 курс студенті гр. ҚИЛ Мәден Аружан, 75 келі салмақта - Сәрсенбай Серік (М. Қанапиянов атындағы жоғары колледж, 1 курс).

Құрметті үшінші орындарды: 65 салмақта – 2 курс студенті Кенжәлі Аружан, 65 салмақта – Жақан Қаракөз (2 курс), 68 келі салмақта - Самарханов Жанболат (М. Қанапиянов атындағы жоғары колледж, 1 курс).

Айта кетейік, бұл спорт түріне үш мың жылға жуықтаған. Белбеу күресі салыстырмалы түрде жақында көптеген елдерде ұлттық спорт түрі ретінде қайта жанданып, әлемдік спорт аренасына енуде.