БЕКМАХАНОВ КІТАПХАНАСЫНДА ҒЫЛЫМ КҮНІНЕ АРНАЛҒАН КЕЗДЕСУ ӨТТІ

10.04.2024

10 сәуір күні Е.Бекмаханов атындағы ғылыми кітапханананың оқу залында Қазақстан ғылымы күніне арналған «Биология, химия – болашақтың ғылымы, жастардың ғылымы» тақырыбында кеш өтті. Іс-шараға университеттің профессорлық-оқытушылық құрамы мен жас ғалымдар, студенттер қатысты.

Кештің ұйымдастырушы және жүргізуші Е.Бекмаханов атындағы ғылыми кітапхананың кітапханашысы Мусина Фатима Даниялқызы жиналғандарды құттықтап, осы мерекенің тойлану тарихына тоқталды.

Кездесуге қонақ ретінде биология ғылымдарының докторы, жаратылыстану жоғары мектебінің профессоры, «Биоценология және экологиялық зерттеулер ғылыми орталығының» директоры, «Қазақстанның биология ғылымдары» журналының бас редакторы Бибігүл Қабылбекқызы Жұмабекова, биология ғылымдарының магистрі, докторант, «Биоценология және экологиялық зерттеулер ғылыми орталығының» ғылыми қызметкері Михаил Юрьевич Клименко және доцент, химия ғылымдарының кандидаты Юрий Геннадьевич Носенко шақырылды.

Кеш барысында студенттерге университетіміздің ғалымдары ғылыми зерттеулердің ерекше әлеміне енуге мүмкіндік берді. Ғалымдар студенттермен өздерінің ғылыми жолының табысты болу құпияларымен бөлісті. Студенттер биоценология және экологиялық зерттеулер ғылыми орталығының ғылыми-зерттеу қызметінің миссиясы туралы қызықты мағлұматтар алды.

Сондай-ақ, ізденімпаз ғалымдар – жаратылыстану жоғары мектебінің «Биология», «Химия» білім беру бағдарламаларының студенттері Дильназ Базарбаева, Александра Губайдуллина, Әдемау Игенбаевалар баяндама жасап, өздерінің ғылыми жобалары туралы айтып берді. Кітапхана оқырмандары үшін «ППУ ғалымдарының еңбектері» атты кітап көрмесі ұйымдастырылды, сонымен қатар кеш барысында «Марғұлан Университеті - ғылым мен білім ошағы» атты бейнеролик көрсетілді. Жиын соңында ғылымды насихаттауға қосқан үлесі үшін студенттерге сыйлықтар мен алғыс хаттар табыс етілді.