БДШ ОҚЫТУШЫСЫ «СЕНІҢ КҮНІҢ» БАҒДАРЛАМАСЫНА ҚАТЫСТЫ

19.01.2023

Өнер және спорт жоғары мектебінің «Дене шынықтыру және спорт» білім беру бағдарламасының оқытушысы, әлеуметтік жұмыс магистрі Гүлмира Айгужинова «Ирбис» телекомпаниясының «Сенің күнің» бағдарламасына сарапшысы ретінде қатысты.

Бағдарламаның эфирінде мүмкіндігі шектеулі балалардың дене шынықтыру және спортқа дайындығы мәселелері талқыланды. Педагог балаларды бейімді дене шынықтыруға баулуға бағытталған бағыт-бағдар жұмыстарын ұйымдастырудың қазіргі әдістері туралы пайдалы және қызықты мәліметтермен бөлісті.

Бейімделген спорт - бұл, ең алдымен, денсаулығына байланысты немесе менталдық ауытқулары бар бала мүмкіндігінше максималды жетістіктерге жетуге ұмтылатын өзінің спорттық техникасын жетілдіретін бәсекелестік әрекет.

Павлодар облысы бойынша бейімделген дене шынықтыру жаттықтырушысы Гүлмира Айғожинованың айтуынша, жобаның мәні өте жаһандық, ол көптеген адамдарды толғандырады. Соңғы уақытта елімізде ерекше қажеттіліктері бар балаларды оңалту мәселесі жаңа деңгейге көтерілді.

Мемлекет инклюзивті білім беруді ілгерілетуге бар күш-жігерін салып қана қоймай, мүмкіндігі шектеулі жандардың әлеуметтік бейімделуіне және қоғамға интеграциялануына жағдай жасауда. Ерекше қажеттіліктері бар балалардың ата-аналары олардың денсаулығын жақсарту үшін әр баланың жеке ерекшеліктеріне бейімделген спорттық жаттығулар өте қажет екенін түсінуі керек.

«Спортта біз әрбір ерекше балаға өзінің таланты мен әлеуетін ашуға көмектесеміз. Осындай балалардың қасында оларды қолдап, сенетін ата-аналар мен ұстаздар болса, олардың әрқайсысы өз армандарына жетіп, нағыз сұранысқа ие, бақытты адам бола алады», – дейді Гүлмира Айгужинова.