Баянауылдың киелі жерлеріне «Рухани Tour»

09.08.2021

2021 жылдың 5-6 тамыз аралығында Қазақстан Республикасы Тәуелсіздігінің 30 жылдығын мерекелеу және "Рухани жаңғыру" бағдарламасын жүзеге асыру аясында Павлодар педагогикалық университеті Баянауыл ауданының киелі жерлеріне "Рухани Tour" атты студенттік активінің сапарын ұйымдастырды.

Жастар саясаты департаментінің қызметкерлері бастаған студент белсенділерінен құралған топ Баянауыл ауданының Жастар бастамаларын дамыту орталығымен бірлесіп Баянауыл ұлттық табиғи паркінің мәдени және тарихи ескерткіштерін аралады.

Аталмыш шара жастардың патриоттық санасын арттыруға, салауатты өмір салтын насихаттауға және университет белсенділерін ынталандыруға бағытталған.

Рухани турға қатысқан ППУ студенттер Альянсы, университеттің Жастар ісі жөніндегі комитеті, "Lotos" волонтерлік жасағы, КВН командасы, "Ақиқат" және "Enactus" дебаттық клубының көшбасшылары өздерінің Alma Mater-іне Жастар бастамаларын әрдайым қолдап, ұмытылмас көңіл-күй мен әсер сыйлағаны үшін алғыстарын білдірді.

Айта кететін жайт, сапарға қатысқан бірталай белсенділер – биылғы жылдың түлектері, алайда бұған қарамастан, олар өздері басқаратын клубтарға жетекшілік етуді және белсенді студенттік өмірді дамытуды әрі қарай жалғастырмақ.