БАУЫРЖАН ЕСЕНГЕЛДИН ПАВЛОДАР ПЕДАГОГИКАЛЫҚ УНИВЕРСИТЕТІНІҢ ҒЫЛЫМИ ЖҰМЫСТАР ЖӘНЕ ХАЛЫҚАРАЛЫҚ БАЙЛАНЫСТАР ЖӨНІНДЕГІ ПРОРЕКТОРЫ БОЛЫП ТАҒАЙЫНДАЛДЫ

11.01.2022

10 қаңтарда Павлодар педагогикалық университетінің қызметкерлерінің отырысында ғылыми жұмыс және халықаралық байланыстар жөніндегі жаңа проректор және басқарманың жаңа мүшесі Есенгелдин Бауыржан Сатыбалдыұлы таныстырылды. Ресми жиын лаңкестік топтардың құйтырқы әрекеті салдарынан қаза тапқан азаматтарды 1 минут үнсіздікпен еске алудан басталды. Бейбіт күнде оққа ұшқан батырлардың есімі мәңгілікке ел есінде қала бермек.

Есенгелдин Бауыржан Сатыбалдыұлы 1975 жылы 3 тамызда Қарағанды облысында дүниеге келген. 1996 жылы Е.А.Бөкетов атындағы Қарағанды мемлекеттік университетін «Қаржы және несие» мамандығы бойынша үздік бітірді.

1996 жылдан 2019 жылға дейін Е.А.Бөкетов атындағы Қарағанды мемлекеттік университетінде жұмыс істеді. Мұғалімдіктен экономика факультетінің деканы лауазымына дейін көтерілді.

2019 жылдан бастап Нұр-Сұлтан қаласындағы Қазақ экономика, қаржы және халықаралық сауда университетінің Бизнес және менеджмент факультетінің деканы, кейін оқу қызметі және ғылым жөніндегі проректоры қызметін атқарды.

Экономика ғылымдарының докторы, профессор Бауыржан Есенгелдин 150-ден астам ғылыми-әдістемелік еңбектің, оның ішінде 3 монографияның, 1 оқу құралының, 4 оқу құралының, Scopus деректер базасына енгізілген журналдардағы 15 мақаланың авторы. Хирш көрсеткіші – 4. Ғылыми-педагогикалық кадрларды даярлау саласында 7 PhD докторларын дайындады.

Қаржы менеджменті, білім беру менеджменті, жобаларды басқару және салық салу саласындағы маман. «Вестник КазУЭФМТ" журналы бас редакторының орынбасары, Қарағанды университетінің Хабаршысы «Экономика» сериясының, «Аграрлық нарық мәселелері» журналының редакторлар алқасының мүшесі болып жұмыс істеді.

2018-2021 жылдары ҚР БҒМ Білім және ғылым сапасын қамтамасыз ету комитеті жанындағы Бизнес және менеджмент жөніндегі сарапшылық кеңесті және ARQA агенттігі арқылы БӨ университеттерін аккредиттеу бойынша Сараптамалық топты басқарды. «Ғылым қоры» АҚ ғылыми және ғылыми-техникалық қызмет нәтижелерін коммерцияландыру жобаларының тәуелсіз сарапшысы.