БАСҚАРМА ТӨРАҒАСЫ-РЕКТОР «BTS educational» ӨКІЛДЕРІМЕН КЕЗДЕСТІ

20.10.2022

Павлодар педагогикалық университетіне арнайы жұмыс сапарымен «BTS educational» өкілдері келді. Басты мақсат – білім беру бағдарламаларын әзірлеу жаңарту бағытында семинар-тренинг ұйымдастыру.

Кездесу барысында Павлодар педагогикалық университетінің Басқарма төрағасы-ректор Жанбол Жилбаев «BTS educational» ұйымының біздің университетпен қоян-қолтық жұмыс жасауға келіскеніне ризашылығын білдірді.

Ал, халықаралық деңгейдегі тренер, жаңа мамандықтар атласын құрастырушылардың бірі Скиба Марина Александровна педагогикалық бағытты қамтитын жаңа атластың жобасын жасау керектігін алға тартты. Себебі, бұндай жұмыстар әлі қолға алынбаған көрінеді. Ал, қазіргі таңда Павлодар педагогикалық университеті білім беру үшін инновациялық білім беру бағдарламаларын әзірлеуде негізгі флагман болып табылады.

Ынтымақтастық нәтижесінде өңірлік педагогикалық компонентті ескере отырып әзірленген жаңа бағдарламалар жасалатын болады. Сонымен қатар қос тарап алдағы уақыттарда да талай тың жобаларды қолға алуға уағдаласты.