БАҚЫТТЫ СТУДЕНТТІК ШАҚ

16.01.2023

Бүгін М.Қанапиянов атындағы жоғары колледжінің студенттері “Ertis TV” телеарнасның "Жаңа күн" атты бағдарламасында қонақта болып қайтты. Қонақта колледж белсенділері, ақындар, пікірсайыс ұйымының төрағасы жәңе спорт саласының үздігі атанған студенттер болды.

Жобаның тақырыбына сай студенттер өздерінің жастық шағымен қоса, қызығы мен қиыншылығы қатар жүретін студенттік өмірлері және осы уақыт аралығында жеткен жетістіктері, көріп білген дүниелері жайлы етене әнгіме айтқан болатын. Оқу жылының басынан-ақ студенттер өздерін өте белсенді көрсетіп жатыр, мұны колледж қабырғасында өткізіліп жатқан жұмыстар дәлелдейді.

Сұхбатта колледж пікірсайыс клубының төрағасы Серік Ануар және колледжіміздің студенттік өзін өзі басқару жобасының көшбасшысы Тукбаева Диана, сонымен қатар Ертіс Баян өңіріне етене таныс ақындық жолға қадам басып келе жатқан колледжіміздің белсенді студенттерінің бірі Жәнібек Есенкелді қатысқан болатын. Жүргізушілер студенттерге көкейтесті сұрақтарын қойып сүбелі сұхбат құрса, қонақтарымыз өздерінің қонақ кәдесімен теле көрермендерге сый тарту етті.