Б.АХМЕТОВ АТЫНДАҒЫ КОЛЛЕДЖГЕ ІС-САПАР

31.01.2022

Павлодар педагогикалық университетінің ғылыми жұмыс және халықаралық байланыстар жөніндегі проректоры Бауыржан Сатыбалдыұлы Есенгелдин мен М.Қанапиянов атындағы Жоғары колледжінің директоры Жұмабай Аманқұлұлы Мұхаметалин Б.Ахметов атындағы Павлодар педагогикалық колледжінде болды.

Б.Ахметов атындағы Павлодар педагогикалық колледжінің директоры Шабамбаева Мираш Қамзенқызы қонақтарды жылы қарсы алып, экскурсия ұйымдастырды.

Оқу орнының өкілдері колледждің материалдық-техникалық базасымен танысып, оқу кабинеттерін көріп, оқытушылармен әңгімелесті.

Кездесу барысында білім беру мекемелерінің басшылары кәсіптік-техникалық білім беру саласындағы өзара ынтымақтастықтың келешегін, оқытушылар мен студенттер арасында тәжірибе алмасуды талқылады.

Колледж мен университеттің ғылыми-тәжірибелік қызметін бірыңғай әдістемелік негізде біріктіру, білім беру деңгейлерінің сабақтастығын қамтамасыз ету мәселелері талқыланды.