АЗИЯ УНИВЕРСИТЕТТЕРІНІҢ ӨКІЛДЕРІ ФОРУМДА КЕЗДЕСТІ

19.09.2022

Ресей федерациясы Алтай мемлекеттік университетінде «Алтай-Азия 2022 Еуразиялық білім беру кеңістігі – жаңа сын-қатерлер мен үздік практикалар» атты V халықаралық білім беру форумы өтті. Форумға Азия университеттері қауымдастығы жоғары оқу орындарының ректорлары, проректорлары, 89 ресейлік және 15 шет мемлекеттің 30 қалаларынан Қауымдастыққа мүше жоғары оқу орындарының ресми өкілдері қатысты.

Форумның мақсаты-университеттердің, бизнес-индустриялар мен биліктің сындарлы диалогы үшін алаң құру, үздік тәжірибелерді зерттеу және өзекті мәселелерді шешудің жолдарын бірлесіп іздеу.

Форумға Павлодар педагогикалық университетінен Б.А.Байдалинова, А. С.Жолдабаева, Р.А.Елтинова және А.К.Киреевалардан құралған арнайы делегация барды. Сараптамалық сессияда Павлодар педагогикалық университетінің ғылыми жұмыс және халықаралық байланыстар жөніндегі проректоры Бауыржан Есенгельдин "Жаһандану және бәсекеге қабілеттілік үдерісіндегі өңірлік жоғары оқу орындарының трансформациясы» тақырыбында баяндама жасады. Сондай-ақ, «Еуроазиялық ғылыми-білім беру кеңістігі университеттерінің жаңа жағдайларда интеграциялануы», «Жоғары білімді халықаралық контексте интернационалдандыру: жоғары оқу орындарының халықаралық қызметіндегі стратегиялық тәсілдерді трансформациялау және дағдарысқа қарсы шешімдерді іздеу», «Ресей-Азия ғылыми-білім беру кеңістігіндегі жоғары оқу орындарының желілік өзара іс-қимылы» мәселелері қаралды.