АЗИЯ ЧЕМПИОНАТЫНЫҢ КҮМІС ЖҮЛДЕСІН ЖЕҢІП АЛДЫ

06.09.2024

Марғұлан университетінің екінші курс студенті Алина Самбуева Үндістанда таэквондодан өткен Азия чемпионатында ел намысын абыроймен қорғап, күміс медальді жеңіп алды.

Алина қызымыз жарыс кезінде 4 жекпе-жек өткізіп, оның үшеуінде жеңіске жетті. Ал финалда Корея спортшысына жол берді.

- Жарыс өте қиын болды. Әсіресе, Корея спортшыларымен белдесу оңай болған жоқ. Себебі, ол жер таэквондоның отаны ғой. Осы чемпионатқа дайындық барысында салмақ кууға тура келді. Бұл да айтарлықтай кері әсер етті, - дейді спортшы Алина.

Алина Самбуева Екібастұз қаласының таэквондо мектебінде дайындалды. Жаттықтырушысы -Азамат Шакилов. Ол бұған дейін де республикалық және халықаралық турнирлерде бақ сынап, жеңіс тұғырынан көріпі келеді. Осы жолғы чемпионат оның 17-18 жас категориясындағы соңғы жарысы. Енді 18 жастан жоғарғы категорияда сынға түсетін болады. Ендігі мақсаты - 2025 жылы Италияда өтетін әлем чемпионатына дайындалу. Марғұлан университетінің талантты студентіне сәттілік тілейміз!