ҚАЗАҚСТАННЫҢ БОКС ЧЕМПИОНАТЫНЫҢ ҚОЛА ЖЕҢІМПАЗДАРЫ АТАНДЫ

15.12.2020

Бокстан Шымкент қаласында өткен Қазақстан чемпионатында Павлодар педагогикалық университетінің спортшылары облыс абыройын қорғап, лайықты өнерлерін көрсетті.

Былғары қолғап түйістірген ашық турнирде 81 кг салмақ дәрежесінде ФКС-43 тобының студенті Байгоншеков Бауыржан және 69 кг салмақ дәрежесінде ППУ-дың "Дене шынықтыру және спорт" білім беру бағдарламасының 2020 жылғы түлегі Такижанов Аятулла қола медальдарға ие болды.

Тартысты додада Бауыржан жартылай финалда жасөспірімдер арасындағы Олимпиада чемпионы Оралбай Нұрбекке жол берсе, Такижанов Аятулла жартылай финалда ересектер арасындағы Азия чемпионатының финалисті Шымбергенов Асламбектен есесін асыра алмады. Десе де бокстан Қазақстан біріншілігінде жоғары нәтиже көрсетіп, жүлделі орындарға ие болған спортшыларымызды жетістіктерімен құттықтаймыз!

                                                                                          Қасымхан Мұхитов, ППУ Баспасөз қызметі