Қазақстан Республикасы Тәуелсіздігінің 30 жылдығына арналған дебат турнирі!

30.11.2021

Тұңғыш Президент күні қарсаңында Қазақстан Республикасы Тәуелсіздігінің 30 жылдығына арналған «Veritas Practice Cup» қалалық пікірсайыс турнирі өтті, оған Павлодар қаласының жоғары оқу орындары мен колледж студенттерінен құралған командалар қатысты.
Қызықты әрі тартысты турнирдің ұйымдастырушылары Павлодар педагогикалық университеті мен «Veritas» пікірсайыс клубы болды.
Интеллектуалдық сайыстың негізгі мақсаттары – дебатқа қатысушыларды алдағы турнирлерге практикалық дайындау, Павлодар облысында пікірсайыс қозғалысын дамыту, жастар арасында толеранттылық пен азаматтық сананы тәрбиелеу, сыни тұрғыдан ойлай алатын жас көшбасшыларды іздеу.
Турнир британдық парламенттік пікірсайыс форматында, сондай-ақ турнирдің үздік спикерін анықтау үшін Линкольн-Дуглас форматында өтті.
Әділқазылар алқасын облыстың тәжірибелі пікірсайысшылары, «Veritas» пікірсайыс клубының мүшелері: Никита Алимов – бас төреші, Дмитрий Минин, Мирас Ерсінов және Даяна Сыздықова құрады.
Төрт іріктеу ойынының қорытындысы бойынша финалдық кезеңге Торайғыров университеті, Павлодар жоғары басқару колледжі, музыка колледжі және Инновациялық Еуразия университеті жоғары колледжінің командалары өтті. Үздік спикер атағына Инновациялық Еуразия университеті Жоғары колледжі мен Музыка колледжі командаларының спикерлері – Илья Сорокин мен Нұрмұхаммед Шаймарданов бақ сынасты.
Турнирде бірінші орынды университеттің Торайғыров университеті командасы, екінші орынды – Музыка колледжінің командасы, үшінші орынды – Павлодар жоғары басқару колледжі иеленді. Үздік спикер атағы Инновациялық Еуразия университеті Жоғары колледжінің командасының спикері Илья Сорокинге берілді.
Зияткерлік сайысқа қатысушылардың барлығына сертификаттар табыс етілді, ал жеңімпаздар дипломдар мен сыйлықтармен марапатталды.
Естеріңізге сала кетейік, «Ақиқат» пікірсайыс клубы Павлодар педагогикалық университетінде 4 жылдан астам уақыт жұмыс істеп келеді. 2021 жылдың басында университет Білім және ғылым министрі Асхат Аймағамбетовтың пікірсайысты жандандыру бастамасын қолдап, облыс оқушылары мен оқу орындарының студенттері арасында пікірсайыс қозғалысын белсенді түрде дамыта бастады

.