АҚЫН, ҚАЗАҚСТАННЫҢ ЕҢБЕК ЕРІ ОЛЖАС СҮЛЕЙМЕНОВ ПМПУ ДА

11.12.2019

Павлодар мемлекеттік педагогикалық университетіне ақын, публицист, мемлекет және қоғам қайраткері, Қазақстанның Еңбек Ері Олжас Сүлейменов келді. Аты аңызға айналған тұлғаның ордалы оқу ордасына ат басын тіреуі, унверситет ұжымын үлкен қуанышқа бөледі. Құрметті қонақ әуелі ұстаздар ордасында жүрекжарды сөзін айтып: «Өмірдегі ең ұлы мамандық - ұстаздық. Адамаға анадан кейін жақын жан - мұғалім. Ұлттың тәрбиешісі, мемелкеттің болашағы педагогтар» деп атап өтті. Артынша, Павлодар облысының әкімі Болат Бақауовпен бірге ПМПУ қабырғасында биыл ғана топтастырылған «Ұлы даланың ұлағатты ағартушы-ұстаздары» галереясының салтанатты түрде ашты. Галереяда ұлт тарихындағы кемел ұстаздар мен ұлы ағартушылардың портреттері топтастырылған. Олардың қатарында Әл-Фараби, Абай, Шоқан Уәлиханов, Ыбырай Алтынсарин, Мұсахан Қанапияұлы сияқты ұлағатты ұстаздар бар. ПМПУ-да Олжас Сүлейменов атындағы шығармашылық орталықтың салтанатты тұсауы кесілді. Мұнда жастар еркін түрде шығармашылықпен айналысатын болады. Ақын орталықты салтанатты түрде ашып, сәттілік тілей келе, жастар шығармашылығына табыс тіледі. Сондай-ақ, университттегі «Жастар орталығы», «Химия методикасын оқыту» кабинеті мен «STEM білім беру» кабинетінде болып, жасалған жұмыстарға жоғары бағасын берді. Бұл күні орын алған қуанышты жаңалықтардың бірі Қазақстанның Еңбек Ері, Халық жазушысы Олжас Сүлейменов атындағы стипендия табысталды. Белгілі композитор, меценат Ерұлан Қанапиянов тағайындаған стипендия иегері «Музыкалық білім беру» мамандығының 3-курс студенті Айдос Хамитов. Ол Олжас Омарұлының өз қолынан сертификат алып тұрғандығы үшін бақытты екендігін айтып, ақынның бір өлеңін жатқа оқып берді. Студенттер мен ұстаздар аты аңызға айналған тұлғамен естелік фотоға түсіп, сұрақ-жауап алмасып, автограф алды. Күннің екінші жартысында ақын «Рухани жаңғыру» бағдарламасы аясында жүзеге асып жатқан «Ертіс-Баян өңірінің 100 тарихи тұлғалары» қысқаметражды фильмдер сериясының екінші кезеңінің тұсаукесеріне қатысты.

                                                                                                                                                        Жанасыл СЕРІКБОЛ,

                                                                                                               Қоғаммен байланыс жөніндегі департаменті