АУЫЛ МЕКТЕПТЕРІНДЕ КӘСІБИ БАҒДАР БЕРУГЕ АРНАЛҒАН КЕЗДЕСУЛЕР

27.01.2023

Әлкей Марғұлан атындағы Павлодар педагогикалық университетінің профессорлық-оқытушылық құрамы Текжанов Қ.Х., Мұқанова Р.Ж., Личман Е.Ю., Даурбеков А.М. Заря және Новоямышев орта мектептерінің түлектеріне кәсіптік бағдар беру шараларын өткізді.

Кездесу барысында жоғары сынып оқушылары университет өкілдерімен танысып, педагогикалық университетке түсу, мұғалім мамандығының ерекшеліктері, ППУ білім беру бағдарламалары, бакалавриатта оқуды аяқтағаннан кейін кәсіби жұмысқа орналасу мүмкіндіктері туралы толық ақпарат алды.

Оқытушылар магистратурада білім алуды жалғастыру және шетел университеттерімен академиялық алмасу бағдарламаларына қатысу мүмкіндіктері туралы айтты.

Сонымен қатар, балаларға студенттер үйіндегі тұрмыс жағдайы, университеттегі бос уақытты ұйымдастырудың ерекшеліктері, студенттердің түрлі филармония үйірмелерінде өзін-өзі таныту мүмкіндіктері, университетте, сондай-ақ аймақтық, республикалық және халықаралық деңгейде өткізілетін іс-шараларға, байқауларға, олимпиадаларға, ғылыми конференцияларға қатысу туралы айтылды.

Кездесу соңында университет оқытушылары түлектерге ҰБТ-ны сәтті тапсыруға тілек білдірді!