М.ӘУЕЗОВ УНИВЕРСИТЕТІНДЕ БАСПАСӨЗ ХАТШЫЛАРЫНА АРНАЛҒАН СЕМИНАР ӨТТІ

21.10.2023

М.Әуезов атындағы Оңтүстік Қазақстан университетінде ЖОО баспасөз хатшыларына арналған семинар-тренинг өтті. Оған еліміздегі барлық жоғары оқу орын баспасөз қызметінің, медиа орталықтарының, қоғаммен байланыс жөніндегі департаменттердің өкілдері қатысты. Үш күндік семинарға Ә.Марғұлан атындағы Павлодар педагогикалық университетінің баспасөз хатшысы Тілеуберді Сахаба да қатысып, кәсіби журналистердің дәрісін тыңдап, арнайы сертификатын алды. Семинардың басты мақсаты-баспасөз хатшылардың кәсіби біліктілігін жетілдіру және әріптестер өзара тәжірибе алмасу.

-Үш күнге жалғасқан семинар-тренигті елімізге белгілі медиа-тренерлер Айнұр Коскина, Марат Садықов және медиа-заңгер Гүлмира Біржанова сынды  медиа-менеджерлер жүргізді. Қатысушыларға дағдарыс жағдайындағы ақпараттық қызмет, әлеуметтік желі жұмыстар концепциясы, креавтивті контент жасауға арналған дағдылар және БАҚ саласындағы заңнамалық қағидалар тақырыбында дәріс оқылды,-деді Т.Сахаба.

Семинар-тренингтің ашылу салтанатына ҚР Ғылым және жоғары білім министрі Саясат Нұрбек онлайн платформада қатысып, құттықтау сөз сөйледі. Министр өз сөзінде ғылым мен білім саласындағы маңызды реформаларды, ғылыми жаңалықтарды халыққа сауатты түрде жеткізудің маңызы зор екенін атап айтты.

М.Әуезов атындағы Оңтүстік Қазақстан университетінің басқарма төрағасы-ректор Дария Қожамжарова мен министрліктің баспасөз хатшысы Ержан Байтанаев бірқатар маманға министрдің Алғыс хатын табыстады. 

Семинарға қатысушылар мен ұйымдастырушылар Әуезов университетінің басшылығына барлық мүмкіндіктер үшін алғыстарын білдірді. Ақпарат саласының өкілдеріне арналған дәстүрлі жиын алдағы уақытта да өз жалғасын табады деп жоспарлануда.