Қасым Аманжоловтың 110- жылдығына арналған «Өмірін өрген өлеңмен» атты әдеби кеш

12.10.2021

Павлодар педагогикалық университетінің Е.Бекмаханов атындағы ғылыми кітапханасы ақын, аудармашы, драматург, сазгер Қасым Аманжоловтың 110-жылдығына орай «Өмірін өрген өлеңмен» атты поэзиялық сағатын өткізді.
Әдеби кешке ҚТӘ -19 тобының студенттері: Жоламан Алина, Олжабай Алтынгул, Орынбасар Ермек, Құрманбек Айзере, Жұмашова Гүлжанат, Рақым Ұлболсын, Маху Арайлым белсенді қатысып, ақынның өлендерін оқып, өз ойларымен бөлісті. Касым Аманжоловтың «Өзім туралы» әнін Рақым Ұлболсын және Құнанбай Жайдар орындады.
Студенттер қазақ поэзиясының жаңашылына айналған ақынның өмірі мен шығармашылығымен үлкен қызығушылықпен танысты. 44 жыл ғұмыр ішінде ақын – майдангер қазақ жырының шыңына айналған 4 томдық асыл мұра қалдырып, мағыналы да, махабатқа толы ғұмыр кешті. Оның жыр жүрегі әркез тереңнен толғайды. Жан дүниенің тазалығы, махаббатқа адалдық, сезім тереңдігі – бұл оның лирикалық өлеңдерінің үзілмес арқауы болатын. «Орал», «Сарыарқа», «Байкал», «Ақын туралы аңыз» т.б. шығармалары қазақ поэзиясының жетістігі болып саналады.
Іс-шараға «Ұлы даланың ұлы ақыны» атты кітап көрмесі ұйымдастырылды.