ӘСКЕРДЕГІ ӘДЕБИ КЕШ

15.06.2022

“Ұлттық ұлан” әскери бөлімшесінде Қазақстан қарулы күштерінің 30 жылдығына орай “Әскердегі әдеби бір күн” атты іс-шара өтті.

Мерекелік іс-шараның мақсаты: жастарға патриоттық тәрбие беру, Отанды сүюге және ерлікке, бірлікке, ел тарихын білуге, Отанымызды қорғауға, елімізді өркендетуге ұмтылған білімді ұрпақ тәрбиелеу.

Тәрбиелік маңызы зор мерекеде роталар арасында марафон өтті. "Найзатас" әдеби-көркем, қоғамдық-саяси журналының редакциясы мен ППУ әдеби үйірмелері әскерлерге концерттік бағдарлама қойып, жеңімпаздарды марапаттады.

Іс-шараға "Көркем сөз" үйірмесі мен "Құс қанат" әдеби клубы жетекшілері Оразбек Бақытхан мен Нұрсерік Тәуекелов және үйірмелердің шәкірттері Әбілхан Марат, Есенгелді Жәнібек, Сабырбай Дана, Әйгерім Мүлікқызы, Қабытаева Кербез қатысты.

Аталмыш шараға белсенді қатысқан студенттердің өлеңдері " Найзатас" атты әдеби журналда жарық көрді.