МАРҒҰЛАН УНИВЕРСИТЕТІНІҢ ЕҢБЕК ЖАСАҒЫ «ҮЗДІК ЖАСАҚ» НОМИНАЦИЯСЫН ЖЕҢІП АЛДЫ

Марғұлан жастар жасағының сарбаздары «Жасыл ел» еңбек жасағымен бірлесіп жаз айларында әртүрлі жұмыс атқарған болатын. Жасақ командирі - Сүндет Арайлым. Жастар жасағында барлығы 20 студент болды. Олар университет корпустарында жұмыс жасады. Қыздар ақтау, көгалдандыру, аудиторияларды жинау, ал ер азаматтар сыртқы құрылыс жұмыстарын жүргізу, абаттандыру және жерді реттеу сынды ауыр жұмыстар атқарды.

«2 ай көлемінде үздіксіз жұмыс атқарып, Университеттің барлық корпустарының жөндеу жұмыстарына көмек көрсеттік. Сол себепті осы номинацияны жеңіп алдық. Қалалық деңгейде «Үздік сарбаз» номинациясын 4 курс студенті Оңдасын Нұрбол иеленді. Осындай еңбексүйгіш студенттеріміз барда әлі талай белестерді бағындыратынымызға сенемін» - деді Марғұлан еңбек жасағының командирі Арайлым Сүндет.